Rojhelat Times

ده‌سپێک|بینێره|چاپ|826 جار خوێندراوه‌ته‌وه| 11 بۆچوون

مێد تیڤی و ته‌ڕه‌ته شه‌ش

2009 02 04 - 22:33

سه‌لاحه‌دین بایه‌زیدی
دامه‌زراندنی ته‌له‌ڤزیۆنی كوردی ته‌ڕه‌ته‌ شه‌ش، له‌ڕوی ده‌نگدانه‌وه‌ی له‌ئاستی شه‌قامی كوردی و جیهانیدا، له‌دامه‌زراندنی یه‌كه‌م كه‌‌ناڵی كوردی مێد تیڤی ده‌چێ. به‌دوای مێد تیڤیدا، دامه‌زراندن و دروستبونی هیچ كه‌ناڵێكی كوردی به‌میدیا تیڤی و رۆژ تیڤیشه‌وه، هێنده‌ی ته‌ڕه‌ته شه‌ش هه‌رای دروست نه‌کرد. ته‌ڕه‌ته شه‌ش له‌لای لایه‌نگران و نه‌یارانییه‌وه، هه‌یجانێكی هاوشێوه‌ی یه‌كه‌م ته‌له‌ڤزیۆنی دروستكرد. هه‌ر كه‌س به‌جورێك چاوه‌ڕوانی كردنه‌وه‌ی كه‌ناڵه‌كه بو.

من له‌ڕوی ده‌نگدانه‌وه‌یان ئه‌و دو كه‌ناڵه‌م به یه‌كه‌وه هه‌ڵسه‌نگاند، ئه‌گینا به‌راوردكردنی مێد تێڤی كه له‌نه‌بونی ته‌له‌ڤزیۆنی كوردی هاته بون، له‌گه‌ڵ ته‌ڕه‌ته شه‌ش كه له‌زۆربونی ته‌له‌ڤزیۆنی كوردی هاته مه‌یدان، ئه‌سته‌مه و ئه‌رز و ئاسمانیان جیاوازه. مێد تیڤی له‌دیاسپۆراوه رۆڵێكی به‌رچاوی هه‌بو له‌دروستكردنی نه‌ته‌وه، به‌ڵام دیار نییه ته‌ڕه‌ته شه‌ش رۆڵێكی چۆن ده‌بینێ. به‌دامه‌زراندنی ته‌‌ڕه‌ته شه‌ش، په‌یوه‌ندییه‌كانی نێوان زمان و ناسیۆنالیزم، چۆن خوێندنه‌وه‌یه‌كیان بۆ ده‌كرێت؟

وه‌ڵامدانه‌وه‌ی ئه‌م پرسیارانه، په‌یوه‌ندییان به‌پۆزۆسیۆنی داهاتوی ته‌ڕه‌ته شه‌شه‌وه هه‌یه. لێره‌دا من، له‌ڕوانگه‌ی خۆمه‌وه به‌كورتی هه‌ندێك به‌راوردم كردوه له‌نێوان ته‌ڕه‌ته شه‌ش و مێد تیڤیدا.

مێدتیڤی له‌تاراوگه دامه‌زراو زیاتر له‌ناوخۆ سه‌یر ده‌كرا.
ته‌ڕه‌ته شه‌ش له‌ناوخۆ دامه‌زراوه‌و زێده‌تر له‌تاراوگه سه‌یری ده‌كرێت.

سیاسییه‌كانی كورد دانی خێریان به‌مێد تیڤی دانه‌ده‌نا و تا بۆیان كرابا باسیان نه‌ده‌كرد.
دیپلۆماتكاران و سیاسییه‌كانی كورد هه‌مویان باسی ته‌ڕ‌ه‌ته شه‌ش ده‌كه‌ن

مێدتیڤی ته‌له‌ڤزیۆنی كوردێك بو، خه‌ونی به‌ده‌وڵه‌ته‌وه ده‌بینی
ته‌ڕه‌ته شه‌ش ته‌له‌ڤزیۆنی ده‌‌وڵه‌تێكه، خه‌ونی به‌نه‌بونی كورده‌وه ده‌بینی

مێدتیڤی به‌حه‌زه‌ره‌وه نزیكی هونه‌رمه‌ندان و كه‌سایه‌تیه‌كانی كورد ده‌بۆوه
هونه‌رمه‌ندان و كه‌سایه‌تیه‌كانی كورد، به‌حه‌زه‌ره‌وه نزیكی ته‌ڕه‌ته شه‌ش ده‌بنه‌وه

مێد تیڤی پاره‌ی نه‌ده‌داو له‌كارمه‌ند كه‌میی نه‌بو
ته‌ڕه‌ته شه‌ش پاره‌یه‌كی زۆر ده‌دات و قه‌یرانی كارمه‌ندی هه‌یه

ئه‌مریكا مێدتیڤی به‌زمانحاڵی تیرۆر ده‌زانی
ئه‌مریكا دامه‌زراندنی ته‌ڕه‌ته شه‌شی پێ باشه

مێد تیڤی هه‌وڵی لێك نزیك كردنه‌وه‌ی زاراوه‌كانی زمانی كوردی ده‌دا
ته‌ڕه‌ته شه‌ش هه‌وڵی جیاكردنه‌وه‌ی زاراوه‌كان ده‌دات

مێدتیڤی له‌چوارچێوه‌ی پێشكه‌وتوترین یاساكان دامه‌زراو پێشی پێگرا
ته‌ڕه‌ته شه‌ش له‌ده‌ره‌وه‌ی دواكه‌وتوترین یاساكان دامه‌زراوه‌و پێشی پێ نه‌گیرا

مێد تیڤی تا بوی كرابا فه‌رهه‌نگی كوردی بڵاو ده‌كرده‌وه
ته‌ڕه‌ته شه‌ش تا بوێ بكرێ په‌ره‌ به‌فه‌رهه‌نگی غه‌یره كوردی ده‌دات

كه‌سایه‌تی و هونه‌رمه‌نده‌كان له‌ڕێگه‌ی مێدتیڤییه‌وه ده‌یانویست به‌ناوبانگ بن
ته‌ڕه‌ته شه‌ش ده‌یه‌وێت له‌ڕێگه‌ی هونه‌رمه‌ندو كه‌سایه‌تیه‌كانه‌وه به‌ناوبانگ بێت

reza | 9 Feb 2009 - 10:13

کاک سه‌ڵاحه‌دین ده‌ستت خۆش بێت گومان له‌وه‌دا نیه‌ که‌ هیچ نیه‌تێکی باش له‌ پشت ته‌ره‌ته‌ شه‌شه‌وه‌ نیه‌ به‌ زمانی کوردی گوتاری ده‌وڵه‌تی تورک بڵاو ده‌کاته‌وه‌. به‌ زمانی کوردی دژایه‌تیی کورد و شۆڕشی کوردستان ده‌کات . ئه‌وه‌ش هۆکاری ئه‌و هه‌مو حه‌زه‌رکردنه‌ی که‌سایه‌تی و هونه‌رمه‌ندای کورده‌ به‌رانبه‌ر ئه‌و که‌ناڵه‌

که‌ریم | 7 Feb 2009 - 14:04

زور به‌ریز و خوشه‌ویست ع .سه‌قز
له‌ گه‌ل بوچوونه‌که‌ت هه‌م و به‌ دل سه‌رکه‌وتنی کوردم ده‌وی و ۆیم خوشه‌ دت پ له‌ هه‌لبژاردنی به‌رده‌م دا سه‌رکه‌وتنیکی گه‌وره‌ به‌ ده‌ست بینی. به‌لام له‌ هه‌مان کات دا ئیجازه‌مان بده‌ با ره‌خنه‌یه‌کی بچووکیشمان هه‌بی. ئه‌ویش من به‌ هیچ جوریک بوم قووت نادری که‌ له‌ به‌رامبه‌ر ئه‌م ته‌له‌فیزیونه‌ ت رت 6 دا پ ک ک و ج ه پ و م ه پ خاوه‌ن یه‌ک هه‌لویست بن. من قه‌ت قه‌ت پ ک ک له‌ گه‌ل ئه‌م دوو پارتییه‌ به‌رئاورد ناکه‌م. به‌لام خو حاشا ناکری هه‌لویسته‌که‌ هه‌ر یه‌که‌
من دیسانیش ریز و سلاوم هه‌یه‌ بو جه‌نابت
به‌ هیوای سه‌رکه‌وتن له‌ هه‌لبژاردنی داهاتوو دا

ع.سه قز | 7 Feb 2009 - 10:05

به رێزم که ریم جه هه په و مه هه په دوو پارتی ره گه ز په ره ستن و نابێ له یه ک چاو ئه م لێدوان هه ڵسه نگێنی به رێز ئه م دوو پارته راسته و خۆ دژایه تی کورد ده که ن بڵام اکه په خۆی به دۆست نیشان ده دا و ده ڵێ کێشه ی کورد چاره سه ر ده که م بڵام هه ر وه ک ئه و دوو پارته ره گه ز په ره سته چاو له کورد ده که ن.و به بۆچوونی من جه هه په و مه هه په زۆر له اکه په باشترن چۆن راسته و خۆ ده ڵێن نه ته وه ی به ناو کورد نییه و راسته و خۆ دژایه تی ده که ن بڵام ئه ردۆگان هه روه ک ئه وان بیر ده کاته وا و خۆیشی دۆست نیشان ده دا. ده بێ ده ر س هه ڵگرین له هه ڵه کانی رابڕدوو و پیلانی داگیر که ران له هه موو به شه کانی کوردستان

که‌ریم | 6 Feb 2009 - 11:40

به‌ریز ع. سه‌قز
سپاس بو روونکردنه‌وه‌کان جیگای ئیستیفاده‌ن بو ئیمه‌. به‌لام من ده‌مه‌وی بزانم و ئه‌وه‌ش مافی خومه‌ بوچی راست پ ک ک ، ج ه پ و م ه پ دژایه‌تی سه‌ختی ئه‌م ته‌له‌فیزیونه‌ ده‌که‌ن. پیت وانییه‌ باشتر وابوو پ ک ک که‌ پارتیکی سیاسی گه‌وره‌ی کوردی خومانه‌ هه‌لویستیکی جیاتری بواته‌ تا حیزبه‌ نیژادپه‌ره‌سته‌کان�
� تورکی وه‌کوو م ه پ و ج ه پ؟ هه‌ر بژین
ئه‌مه‌ بو من پرسیاره‌

ع.سه قز | 5 Feb 2009 - 21:28

به رێز که ریم له ئه م چه شنه تی وی یانه که داگیر که ران دای ده مرزێنن زۆرن بۆ وێنه له رۆژهه ڵاتی کوردستان له شاری مه هاباد و له سنه و هه ر وه ها کرماشان ته له زوێنی به ناو که ناڵی ئۆستانی هه یه بڵام هه موو له خزمه ت که لتووری فارسی و له نێو بردنی که لتوور و زمانی کوردیه و هه موو گه ڵ به جاش تی وی ناویان ده با ته نانه ت سه دامی گۆر به گۆر به ئه و هه موو ده ره نده ییه ی خۆی له به غدا تی وی کوردی داده نا بڵام حه ڵه بچه ی بۆردومان ده کرد و ئه نفالی به سه ر گه ل ده هێنا و له رۆژ ئاوای کوردستانش هه ر به هه مان شێواز و به دڵنیاییه وا ئه م ته ره ته شه شیش هه ر به جۆره کار ده کا و لێرا دا قسه ی خاتوو له یلا زانای به رێز تان بیر ده خه مه وا که ده فه رمن گه لی کورد خۆیان به ده یان تی وی کوردی یان هه یه و پێ ویست ناکا داگیر که ران تی وی مان بۆ دانن.بڵام ده بێ بزانین که ئه مه ش ده س که وتێکی پ ک ک بوو که چۆک یان به تورکی فاشیست هێنا
بڵام تورکییه ده یه وێ به یه ک تیر دوو نیشان بپێکێ به دلنیا ییه وا هیچ کات سه ر که وتن به ده س ناهێنێ و کردنه وه ی که ناڵی کوردی له ئه م کاته ته نیا بۆ به ده س هێنانی ده نگی کورده له هه ڵبژاردنی داهاتوو

که‌ریم | 5 Feb 2009 - 10:15

من پیم باش بوو کاک سه‌لاح له‌ روانگه‌یه‌کی موامراتی و تیوری توطئه‌ چاو له‌م دیارده‌یه‌ نه‌کا. شه‌ر له‌ ناو به‌ینی روژ تی ڤی و ت ر ت 6 دا نییه‌. هه‌ر دووکیان دوو ده‌زگان سه‌رو کاریان هه‌یه‌ له‌ گه‌ل زمان و چاند و کومه‌لگا و سیاسه‌تی کوردی. ئه‌گه‌ر پارتیکی گه‌وره‌ی کوردی وه‌کوو پ ک ک ئه‌م ته‌له‌فیزیونه‌ به‌ جاش و نازانم چی ناوزه‌د ده‌کات ئه‌وه‌ نه‌ک له‌ به‌ر ئه‌وه‌یه‌ به‌ راستی ئه‌م ته‌له‌فیزیونه‌ و کارمه‌نده‌کانی یان ئه‌وانه‌ی ده‌چن له‌وی گورانی ده‌لین جاشن چونکه‌ به‌ راستی ئه‌گه‌ر هه‌موو ئه‌م شتانه و‌ ئه‌م که‌سانه‌ جاش بوبا‌ن ئیدی روون و ئاشکرا بوو و پیویستی به‌ هه‌را هه‌را نه‌ده‌بوو. به‌لام راستی ئه‌وه‌یه‌ که‌ پ ک ک ئه‌م ته‌له‌فیزنه‌ وه‌کوو ره‌قیبیک ته‌ماشا ده‌کا بویه‌ به‌ هه‌موو ریگایه‌ک حه‌ول ده‌دات که‌ کاره‌کانی سه‌ر نه‌گری. ده‌نا ئه‌گه‌ر ده‌زگایه‌کی ده‌وله‌تی تورک وه‌کوو ت ر ت 6 خه‌راپ بی و کارمه‌نده‌کانی جاش بن ده‌بی به‌ هه‌مان مه‌نتیق ماموستایانی کوردیش که‌ له‌ قوتابخانه‌کانی ده‌وله‌تی تورکیا دا کار ده‌که‌ن ئه‌وانیش جاش بن. کاکه‌ گیان سه‌رده‌می ئه‌م قسانه‌ به‌ سه‌رچووه‌ که‌ خه‌لک به‌ پیوه‌ری ره‌ش و سپی جاش و باش هه‌لسه‌نگینین. که‌سیکی وه‌کوو فواد ئالاکوم که‌ یه‌کیک له‌ به‌ ناوبانگترین تویژه‌رانی کورده‌ له‌ سوید و له‌ ت ر ت 6 ش دا ده‌رکه‌وت و باسی کاره‌کانی خوی کرد بو من نه‌ ته‌نیا جاش نییه‌ به‌لکوو لیکولینه‌وه‌ریکی باشی کورد و پیگه‌ی خوی هه‌یه‌.
کاک سه‌لاح ئه‌گه‌ر جه‌نابت خه‌یالت هه‌یه‌ له‌ روژ تیفی دا کار بکه‌ی که‌ به‌ باوه‌ری من کاریکی باش ده‌که‌ی ئه‌گه‌ر وابی، ئه‌وه‌ مافی خوته‌ و بو ئیمه‌ش باشه‌. به‌لام ئه‌م ت ر ت 6 کومه‌لیک مروفی کورد کاری تیدا ده‌که‌ن که‌ له‌ لایان سه‌روکایه‌تی پ ک ک به‌ جاش راگه‌یاندراون. من له‌ پ ک ک تیده‌گه‌م تیروانین و کیشه‌ی تایبه‌تی خوی هه‌یه‌. به‌لام ئایا پیویست ده‌کا ئیمه‌ هه‌موومان به‌ هه‌مان چاویلکه‌ ته‌ماشای دیارده‌کان بکه‌ین.
سه‌رکه‌وتوو بی کاک سه‌لاح رووناکبیرکی باشی کوردی و ده‌ست و قه‌له‌می باشت هه‌یه‌

ararat2005 | 5 Feb 2009 - 07:30

ئه ود ه م كه تلویزیۆن سه رهلدانه كانی گه ل له باكور نیشان ده ده ن ئه و ده م بۆت ده ر ده كه وێ كه پ ك ك چی ده وێ.ئه وه هێزی پ ك ك یه نه ك دێمۆكراته كانی وه ك كه مال بۆرقا كه له باشور كه وتون.پ ك ك له حزبایه تی نجاتی بووه بووه گه ل، ئیتر ئه وه گه له كه ده زانیت داوای چی ده كات.

سیروان | 5 Feb 2009 - 06:39

ده‌ست خۆش به‌رێز سه‌لاح بۆ ئه‌و هه‌ڵسه‌نگاندنه‌ جوانت! بڕاستی باشت پێكاوه‌!
ــ ت.ر.تی.وی. ٦ یش وه‌ك هه‌موو ته‌له‌وزیونه‌كانی كه‌ به‌ هه‌ر شێوه‌یه‌ك پێوندیان به داگیركه‌رانه‌وه‌ هه‌یه‌، ئیزنی پێنادری له‌ خزمه‌ت پێناسه‌ و رزگاری گه‌ڵی كورددا وه‌شان بكات !
ــ له‌ مێژه‌ له‌ عیراق و ئیران به‌رنامه‌ی تی.وی. (له‌ شاره‌ گه‌وره‌ كورد نشینه‌كان) بزمانی كوردی وه‌شانی كردووه و تا ڕادیه‌كی زۆریش قازانجی بۆ زێندوو مانه‌وه‌ی زمانی كوردی هه‌ بووه‌ به‌ڵام ئامانجی سه‌ره‌كی داگیركه‌رانی عه‌رب و فارس تواندنه‌وه‌ی هه‌ستی نه‌ته‌وایه‌تی گه‌لی كورد بووه‌ ، ئاویته‌ بوونی زمانی كوردی به‌ ده‌یان و سه‌دان واژه‌ی عه‌ربی و فارسیشی بدوواوه‌ بووه‌.
ــ """ تووكیك له‌ به‌راز كه‌م بێته‌وه‌ هه‌ر باشه‌!"""" (وادیاره‌ باپێرانی باپێریشمان وه‌ك ئه‌ز گۆشتی به‌رازیان به‌كه‌یفێ بووه‌ به‌ڵام له‌‌ كه‌وڵ كردنی قه‌ڵس بوون) . كوردستانی داگیركراو له‌ لایه‌ن توركه بڕاستی ‌فاشیست و ره‌گه‌ز په‌رسته‌كانه‌وه‌ پێش ده‌ست پێ بوونی خه‌باتی رزگاریخۆازی پ.ك.ك. كورد بوونی خۆیان له‌ بێر چووبوه‌ و به‌ ده‌گمه‌ن كابرای كورد دیوێرا یا ته‌نانه‌ت دیوێست بڵی كوردم ........... ئێستا كه‌ حكومه‌تی فاشیستی توركیه‌ له‌ ئاكامی تێكوشانی پ.ك.ك. و پشتێوانی گه‌لی كورد بچۆك دا هاتوو ................و تی.وی.كوردیمان بۆ داده‌نی گه‌ره‌كه‌ ڕوو له‌ خوا كه‌ین و بێژین :خوایه‌ له‌ سلطان ره‌جبی به‌زیاد كه‌!
به‌ بروای ئه‌ز ئه‌ركی میدیای كوردی چه‌واشه‌كاریكانی به‌رنامه‌ی رۆژانه‌ی ئه‌و جۆره‌ تی.وی یانه‌ بۆ خه‌لكی كوردستان روون بكاته‌وه‌. ‌

جه‌لال چوارتایی | 4 Feb 2009 - 23:32

به‌ڕێز کاک سه‌لاحه‌دین بایه‌زیدی ، پاش سڵاو
به‌راوردێکی زۆر جوانت کردووه‌ و ده‌ستخۆشیت لێده‌که‌م . به‌ڵام من ته‌نها ئه‌و خاڵه‌یان به‌ دروست نازانم که‌ به‌ڕێزت ده‌فه‌رموویت (سیاسییه‌كانی كورد دانی خێریان به‌مێد تیڤی دانه‌ده‌نا و تا بۆیان كرابا باسیان نه‌ده‌كرد.
دیپلۆماتكاران و سیاسییه‌كانی كورد هه‌مویان باسی ته‌ڕ‌ه‌ته شه‌ش ده‌كه‌ن ). چونکه‌ به‌ باوه‌ڕی من ته‌نها ئه‌و که‌سانه‌ ددانی خێریان به‌ مه‌د-تیڤی‌دا نه‌ده‌نا که‌ به‌ سیاسه‌تی ته‌سکی حیزبایه‌تی و ناوچه‌گه‌ریه‌وه‌ خه‌ریکبوون و له‌ پێناوی ئه‌و حیزبایه‌تیه‌ ته‌سکه‌شدا ئاماده‌بوون پێش سوپای داگیرکه‌ران بکه‌ون بۆسه‌ر بست به‌ بستی خاکی پیرۆزی کوردستان و له‌ هیچ به‌هایه‌کی نه‌ته‌وایه‌تی نه‌سڵه‌منه‌وه‌
دووباره‌ ده‌ستخۆشیت لێده‌که‌م و سه‌رکه‌وتوو بیت

باۆکی نه به ز | 4 Feb 2009 - 23:08

سلاۆ
به ریز سه‌لاحه‌دین بایه‌زیدی له کام له په ری برنامه ی پ ک ک داۆای سه ربه خۆیی کۆردستان کراۆا.ئه ر چاۆتان پی که ۆت به ئیمه ش بلی سپاست دکه ین

ته‌مۆغه‌ | 4 Feb 2009 - 22:48

کاک سه‌لاحه‌دین ده‌ست خۆش .هه‌ڤاڵ بڕوا بکه‌ کاناڵی سه‌حه‌ر چ خزمه‌تێکی به‌ کورد کرد ته‌ره‌ته‌6یش هه‌رواده‌بێ .بێجگه‌ له‌ خزمه‌ت کردن به‌ دوژمنانی کورد هیچی تریان پێ نیه‌ .با له‌ خۆڕایی گه‌وره‌ی نه‌که‌ینه‌وه‌.